گەرمیان چەند بڕیارێكی نوێی دەركرد

كوردپلات - هەواڵ

ژووری ئۆپەراسیۆنی ئیدارەی گەرمیان بۆ رووبەڕووبوونەوەی‌ کۆرۆنا، چەند بڕیارێكی نوێی‌ لەبارەی ئاساییكردنەوەی ھاتوچۆ دەرکرد.

ژووری ئۆپەراسیۆنی ئیدارەی گەرمیان بڕیاریدا بە:

1- كردنەوەی ھێڵەكانی گواستنەوە (تاكسی، مینی پاس) بە جۆرێك ھەر تاكسییەك لە سێ سەرنشین زیاتر ھەڵنەگرێت و مینی پاسەكانیش نیوەی شوێنی سەرنشینەكان ھەڵبگرن.

2- كردنەوەی رێگای ھاتوچۆ بۆ ھێڵەكانی (پاس، مینی پاس) لە نێوان قەزا و ناحییەكانی سنووری ئیدارەی گەرمیاندا بە مەرجی جێبەجێكردنی رێنماییە تەندروستییەكان.

3- كردنەوەی یاریگا وەرزشییە بچووكەكان بەو مەرجەی رێنماییە تەندروستییەكان جێبەجێ بكەن و ھەندەران ئامادەی یارییەكان نەبن.

4- پێشانگاكانی ئۆتۆمبێل دەكرێنەوە جگە لە رۆژانی ھەینی و بە مەرجی جێبەجێكردنی رێنماییە تەندروستی و خۆپارێزییەكان.

5- ژووری ئۆپەراسیۆنی ئیدارەی گەرمیان ھاووڵاتییانی سنوورەكە ئاگادار دەكاتەوە كە بە راوێژ لەگەڵ لایەنە پەیوەندیدارەكاندا كاردەكەن بۆ كردنەوەی دەرگای مزگەوتەكان بە رووی نوێژخوێنان لە دوای 1ی ئایاری 2020.