بیلال ئیحسان
-
هەر دەولەتەکا نها ڕەوشەک تێدا تێپەر دبیت ئەو ژ ئەگەرێ سیاسەتا ژبەری هنگێ یا دەستهەڵاتا وێ دەولەتێ یە هەتا ساڵا2009 ئەمریکا سیاسەتەک پەیرەو دکر ئەوژی ئەمریکا دگوت کا سیستەمێ مە چەوانە دڤێت دەولەتێن دکتاتوری ژی ئەم بگوهورین و سیسـتەمێ وان ژی وەکی یێ خوو لێ بکەین بو هندێ دا شەرێ ئێک و دوو نەکەین چنکی دەما هزرێن مە ئارمانجێن مە خەباتا مە وەکی ئێک بن هنگێ ئەم شەرێ ئێک ناکەین کو ئەوژی سیستەمێ دیموکراسیە و فکر لیبڕالیە ، لسەر ڤی بنەمای ل سالا 2003 ئەمریکا عیراق داگیرکر و دەستهەڵاتا ڕژێما بەعس ب دووماهی ئینا و عیراق کرە دەولەتەکا فیدڕالی دیموکراسی و فکرا لیبڕالی لسەر چەسپاند بوو هندێ عیراق ببیتە دەولەتەکا سازی ــ مؤسساتي کو تێدا سازی کار بکەن نەکو تاکە کەس بوو میناک دەولەتا سازی ئەو دەولەتە یاکو هەمی هێزێن چەکدار بریارێن خوو ژ سەروکێ وەڵاتی یان سەروکێ حوکمەتێ وەردگرن ، نەکو ژ سەروک حزبێ یان کەسەکێ ژ دەرڤەی دەستهەڵاتێ وەربگرن .
لێ مخابن ئەڤە ل عیراق و کوردستانێ نەهاتە دیتن و چەسپاندن چنکی خەلکێ عیراقێ ژ دەستهەڵاتەکا وەسا قولتار ببوون کو هەردەم دهاتنە چەوساندن و تەپەسەرکرن و چجار ئازادیا رەخنە گرتن و ڕادەربرینێ پێ نەهاتبوو دان ، خەلکێ عیراق وکوردستانێ ژ نیشکەکێ ڤە
خو دیتن ئازاد لەوان هەم ئەوێن چوین دەستهەڵاتێ دا وەکی وی گورگێ برسی لێ هاتن یێ تو دهاڤێژی ناڤ کومەکا پەزی دا ، و هەم خەلکێ ئاسای ژی چ ژ ڕەخنێ و ئازادیا ڕادەربرینێ نەزانی و بشێوەکێ نە جوان و کرێت دەڕبڕین .
پێشکەفتنا دەولەتا دیموکرات گرێدای ڕەوشەنبیریا خەلکێ یە هندی ڕەوشەنبیری و زانین و زانست دناڤ خەلکێ وێدا پەیدا نەبیت مەحالە گەندەلی ژی کێم ببیت ، چنکی ددەولەتا
دیموکرات دا پێتڤیە خەلک جاڤدیریێ لسەر دەستهەڵاتێ بکەت و ب خوپێشاندان و داخازکرنا مافان ژلایێ خەلکێ ڤە دبیت ئەگەر حوکمەت ژی ئەکتیڤ ببیت خوپێشاندان بوو حوکمەتا دیموکرات گرنگیا وێ وەکی گرنگیا فورماتکرنێ یە بو تەلەفونێ .
عێراق نها خودانا باشترین نموونا حوکمرانیێ یە کو ئەوژی دیموکراسیەتە لێ خەلکێ عیراقێ رەوشەنبیریا وێ نەگەهشتیە وی ئاستی بشێن سیستەمێ دیموکراسی پەیرەو بکەن لەوان نها ئەم دقوناغا هشیارکرن و بلندکرنا ئاستێ رەوشەنبیریەتێ دانە بوو هندێ بگەهین ئاستێ ڤێ نمونەیی ، بێگومان هەردەما ئەم گەشتن وی ئاستی ژی و عیراق بوو دەولەتەکا (سازی ــ مؤسەساتی ) عیراق دێ پێشکەفیت و بیتە دولەتەکا ب هێز و خودان سەروەری .
ليست هناك تعليقات
إرسال تعليق