ئەندامێكی سەركردایەتی كۆمەڵی ئیسلامی وەك بەرگریكردن لە حیزبەكەی كە دوێنێ ٧ی ئایار، بەدەنگی ٥٧ پەرلەمانتار مافی پارێزبەندی لە سۆران عمری ئەندامی فراكسیۆنی كۆمەڵ لە پەرلەمانی كوردستان وەرگیرایەوە دەنوسێ: ئەگەر یەكێك هەبێ و پێی وابێ بەم جۆرە فشار و گێچەڵكردنە پاشەكشە لە هەڵوێستمان دەكات ئەوە كۆمەڵی نەناسیوە و با بە خۆیدا بچێتەوە و پاشان سەیرێكی ڕابردوومان بكات دیاری محمد
لە درێژەی نوسینەكەیدا دیاری محمد، بەرپرسی مەڵبەندی سلێمانی و ئەندامی سەركردایەتی كۆمەڵ بابەتێكی نوسیوە بە ناونیشانی ( دیارە نەتان ناسیوین) و دەڵێ: پایەی ڕاگرتنی کۆمەڵ كادیرو سەركردە و دۆستەكانیەتی، كە هیچ كات و لە ژێر هیچ فشارێكدا یەك هەنگاو پاشەكشەیان نەكردوە لەسەر گەشتن بە ئامانجەكان و تەنانەت زیندان و بێبەشبون لە زۆر ئیمتیازات بەهۆی كۆمەڵ بوون و نادادگەری دەسەلاتەوە.
لە كۆتایی نوسینی ئەندامەكەی سەركردایەتی كۆمەڵدا هاتوە: ئەگەر حیزبێك بیەوێ بە فشار لاوازمان بكات و لەسەنگەری خەڵك دوورمان بخاتەوە ئەوە جوتی ناو ئاو دەكات و پێیان دەڵێین ئەم جۆرە فشارانە بۆ هێزی بێ ئیرادە بەكار بهێنن، كۆمەڵ زادەی لەدایكبونی ئیرادەو ورە بەرزیە.
ليست هناك تعليقات
إرسال تعليق