عوسمان گوڵپی بۆ ڕۆژ نیوز: زینی وەرتێ دەمانخاتەوە بەردەم مەترسی

كوردپلات - هەواڵ
-
لە دوەم كۆبونەوەی گرووپی ئاشتی ڕۆژی سێ شممە ٥/٥/٢٠٢٠، گفتووگۆ لەسەر چالاكی داهاتووی گروپەكە كرا كە تایبەت بوو بەو دۆخەی كە لە زینی وەرتێ هاتۆتە ئاراوە.

عوسمان گوڵپی ئەندامی گروپی ئاشتی لە دوای كۆبونەوەكە بۆ ڕۆژ نیوز وتی: بەداخەوە لە گەڵ هەبوونی قەیرانی دارایی و سیاسی، ئێستا قەیران و کێشەی زینی وەرتێ-ش زیاد بووە و ئەو بەشەی هەرێمی کوردستان کەوتووەتە بەردەم مەترسییەکی جدی، ئەمەش لە کاتێکدایە خەڵکی هەرێمی کوردستان پێویستە قسە و هەڵوێستیان هەبێت و بێدەنگ نەبن، چونكە ئەو بابەتەش بە هێندەی دابینکردنی قووتی ژیان گرنگە، چونکە ئەم مەترسییە جارێکی دیکە کوردستان دەخاتەوە بەردەم جەنگ و مێژوو و نەوەكانی داهاتوو بێدەنگی و بێ هەڵوێستیمان لێ قبوڵ ناكەن.