له راگه‌یه‌ندراوێكدا، جووتیار عادل، گوته‌بێژی حكومه‌تی هه‌رێمی كوردستان نیگه‌رانی حكومه‌تی هه‌رێمی له بۆردومانی ئه‌م چه‌ند رۆژه‌ی دوایی ناوچه سنوورییه‌كانی هه‌رێمی كوردستانی له لایه‌ن هێزه‌كانی توركیاوه راگه‌یاند.
ده‌قی راگه‌یه‌ندراوه‌كه‌ی گوته‌بێژی حكومه‌تی هه‌رێم:
بە دڵگرانى و نیگەرانیەکى زۆرەوە چاودێرى رووداوەکانى ئەمڕۆ و چەند رۆژى رابردووى ناوچە سنووریەکان دەکەین، کە بووه هۆی گه‌ياندنى زیانى گیانی و ماددى بە هاووڵاتیانی سڤیل و گوندنشینانى ئەو ناوچانە.
حكومه‌تى ههه‌رێمى كوردستان سەرکۆنەی شەهیدکردن و زیان گەیاندن بەهاووڵاتیان دەکات لەلایەن هەر لایەنێك و بەهەر هۆکارێك بێت.
داوا لە کۆماری تورکیا دەکەین، رێز له سه‌روه‌رى خاك و نيشتيمانمان بگرێت و پەکەکەش پێویستە ئەو ناوچانە چۆڵ بکات، تا چیتر نەبنە هۆکار بۆ دروستکردنى پشێوى لە ناوچە سنووریەکانى هەرێمى کوردستان.
حکومەتى هەرێمى کوردستان خوازیارى پەیوەندیى دۆستانەیە لەگەڵ وڵاتانى دراوسێ و نایەوێت لەناو خاکى هەرێمى کوردستان هێرش بکرێتە سەر هیچ وڵاتێك.
لێرەوە پرسە و سەرەخۆشی لە کەسوکاری قوربانیان دەکەین و هیواى چاکبوونەوەش بۆ برینداران دەخوازین.
د.جوتیار عادل
گوتەبێژی حکومەتی هەرێمی کوردستان
19ی حوزەیرانی 2020
ليست هناك تعليقات
إرسال تعليق