-
ل دەما کۆ عەقل د گەنیبونا خوە ئاڤزبوی و کومەکا گەفێن ژخودانێ خوە بچویکر ژێ دەردکەتن دگوتنە هەژاران دێ ئەرزاقێ هەوە بڕن ئەگەر دەنگی نە دەنێ، سەرەرای کۆ هەژار ئەوە یێ ب عەقلێ خوە چنە و ئەوێن پارە نەی و کەرامەت هەی هەر تاجا سەرێ دەستهەلاتدار و دەوروبەران بوینە و دبن، ئەرزاق هاتە بڕین و هەژارێن دەنگ دای زەلیل و رەزیل بون و دگەل خوەدا دەوروبەرێن خوەژی رەزیل و زەلیل کرن .
برینا ئەرزاقی ئەو پێنگاڤ نەبوو دەستهەلاتدارێن هەرێمێ هەر دوو حزبێن بازرگانێن خوینێ و ئاخێ و کەرامەتێ باڤێژن بەلکۆ یەکەم پێنگاڤ بوو ل کەرامەتا تاکێ کوردستانی دای، تاک ب رەنگەکی هەلوەشاند کۆ ئێدی نەبۆ ئەرزاقی و نەبوو هیچ تشتەکێ دی ژی جورئەت و کەرامەتا داخوازکرنێ نەبیت .
باشترین داخوازیا نوکە خەلک بکەت داخوازا ئەرزاقی یە چونکی بێ دەنگ بوون و شکاندنا هەیبەت و کەرامەتا ڤی جڤاکی ب ئەرزاقی هاتە شکاندن دڤێت ژ وێ بهێتە زڤراندن و ئێک ب ئێک ژ ریهو ریشالان ڤان حزب و بنەمالان فێر بکەنە رەوشت و هێزو کەرامەتا گەلی .
نە باوەرنامە و نەزانین نەشێن ئەرزاقی بزڤرینن ؟
یەک دونیا پروفیسور و یەک وەلات دکتورو یەک باژێر یاساناس و دادوەر و یەک قەزا رەوشەنبیر و یەک ناحیە روژنامەڤان و پارێزەر .... هتد، کۆ بێ جورئەت بن نەشێن نیسکەکا ئەرزاقی بزڤرینن، قوناغا بوری هەمی چین و توێژان لڤین و کارێن سیاسی و گروپ و کومەلە دانان لێ ژبەرکۆ جورئەت و کەرامەتا وان تێرا خوراگریا بەردەم مافیاگەری و بازرگانیا ڤان دەستهەلاتداران نەبوو ئێدی یان رادەست بوون یان ژی بێ دەنگیا وان هەر تشت رادەستکر .
بۆنا هەر لڤینەکا دی چ پارتا سیاسی بیت یان ژی لڤینەکا تەکنوکرات یان ژی کۆمەکا ترسنوکێن ترسا خوە د بن باوەرنامە و بناڤ رەوشەنبیریا خوەدا ڤەشارتین یان ژی ئەو یاخیین کۆ پاریێ نانێ وان ل سەر کەسێن وەکی وان هزر ناکەن یان ژی ئەڤ حزبێن ب ناڤ ئوپوزسیونێن سەر ب پارتی و ئێکەتی ڤە یان ژی دەنگ ل وی دەمی بلند دکەن کۆ هەرەشەێن پارەی لێ دهێنە کرن ؟ یان ژی ئوپوسزیونێن هزرێن ئاینی ؟ ئەڤان نە چ گوهورین پێ دهێنە کرن نەژی دشێن خودانێ گوهورینێ بن، تاکە چارە هەبونا هەر قەزایەکێ 10 مروڤێن ب جورئەت و خودان سەنگە ئێدی هەر تشتەکی دانن سەرکەفتن ب کورتترین و سادەترین رێک دهێتە ب دەستڤە ئینان .
لیستێن عێراقی دێ ب ئەرزاقڤە هێن ؟
دەنگویا دروستکرن یان پالپشتیکرنا هێزێن عێراقێ و ب تایبەت کازمی سەروک وەزیرێن نوی یێ عێراقێ کۆ کار ل سەر دکەت دناڤا هەرێمێ دا بکەن دگەل وێ چەندێ کۆ ئەرزاقی دگەل خوەدا دێ ئینن دێ ب ساناهیترین رێک شێن دەست ل سەر رایا گشتی دا بگرن و دوو هێزێن کوردی ێن چەندین سالە ب گەفێن نانبرینێ دەستهەلاتدارن ژناڤ بەن ژبەرکۆ نان ب خوە نە هێلاینە ئێدی ترس ژ نانی ژی نەمایە کەواتە هاتنا هەر هێزەکا نوی چ کوردستانی چ عێراقی وەکی هەی و ئامادەکاریان دکەن و یێ دهێن ئەگەر کەسێن ب جورئەت تێدا هەبن هیچ پێتڤی ب باوەرنامە و ناسکرن و کوچکێن ئاخا ناکەت بتنێ نان دگەل دا بیت و هندێ کێم نەبیت رادەست ببیت .
بۆ پارتی و ئێکەتی و گوران وەکۆ حکومەت .
پارتی کۆ دەستهەلاتدار و حکومرانە باش دزانیت کێکا نیشانیێ چەند بهێتە ڤەشارتن سیناریوە و دەما کۆ داوەتیان زانی کێ بری یە حالێ وێ چییە و دێ چ بیت نوکە ژی داوەتیا ب باشی یا زانی و حالێ تەژی یا دیارە و دێ چ بییتە تەیا مای ، ئێکەتی وەکی حکومرانا ب ناڤ دەستهەلات ئێدی حالێ وێ دیارە و دێ چ بیت ژی دیارترە سیاسەت عەقلە و خوە ب تشت زانینە کۆ هەوە گومان ل سەر تشت بونا خوە هەبیت ئێدی بێ گومان بەرامبەر هەوە ب چ نزانیت ، گوران کۆ حکومرانە و بێ دەستهەلاترین حکومرانە چارەنڤیسێ وێ ئەگەر کۆ ژ حکومەتێ نە ڤەکێشیت ئەو حزبە یا کو د کومبونێن حزباندا ژی ئێدی ب زەحمەتە بهێتە گازیکرن .
چارەسەری ب دەستێ شکەستی ل سەر شکەستی نەدەن .
روون و ئاشکەرایە بن ئەردو سەر ئەردێ ڤی وەلاتی تێرا رێڤەبرنا دوو هەرێمن وەکی یا مە هەنە ئەگەر داهات بچیتە بەریکا حکومەتێ نە بەریکێن شکەفتێن هەوە و زاروکێن هەوە ئەڤە باشترینە ژ بۆ هەوە ژ بەرکۆ دویر نابینن ئەو شکەفت دەمێ داهاتی تێرا خوەڤەشارتن و رەڤا هەوە نەکەن باش ژی بزانن سەرکەفتی د دزی و حیزیێ دا خودان هەڤالە باشترین سەربور ژی جاش و مستەشارێن دبن حکومێ هەوەدا هەر دەستهەلاتدارێن جارانە و رەتکەرێ خودانێ خوەیێ سەرەکینە، ئێدی روونە روژا شکەستنێ کی کرێتە و ئەرزاق ل کیڤەیە .
پارێزەر : خەتاب
ليست هناك تعليقات
إرسال تعليق