پارێزەر- خەتاب عمر
شەش سال کۆ تەمەنێ زاروکەکێ یە دشێت باخڤیت تێبگەهیت و بابەتان ب باشی ببینیت، شەش سالێن کارەساتا گەلێ مە ل شنگالێ نەکەسێ ل وێرێ خودان و رێڤەبەر و نە کەسێ ب تمامی تێگەهشتی و نە کەسێ ب باشی دیتی بەحس کر ؟ ئێدی بێ دەنگی و خوە تێنەگەهاندنێ و خوە کورەکرنێ گەلەک پەیامێن زێدەتر گەهاندن .
ئەم تێگەهشتن بەرپرس و رێڤەبەرێن مە هندی ئەو خوە مەزن دبینن هند بچویکن و هندی ئەو خوە تێگەهشتی دبینن هند نەزانن و هندی ئەو دبینن هند بێ چاڤ و روینە، ئێدی دڤێت بهێتە رونکرن :
شنگال هاتە رادەستکرن یان ژی هاتە داگیرکرن ؟
داگیرکرن ب رامانا شەرو خوەگوریکرنێ دهێت هەتا کۆ لایەنێ بەرامبەر ب زوری ژێ دستینیت و رادەستکرن ب رامانا بەردان و رادەستکرنا وژدان و ناموسێ دهێت ئەگەر کۆ ناموس ژی هاتە رادەستکرن ئێدی هیچ پیروزیەک نینە مروڤ ۆ بمینتە ساخ ناموس ژی ب رامانا ئاخ و نشتیمان و وژدان و مروڤایەتی ، ئێدی رونە مرنێ خەلکێ سڤێل سێ ئەوەندەی شەرکەران نیشانا رادەستکرنێ یە زێدەتر ژ داگیرکرنێ .
شنگالی زێدەبون ؟ یان ژی کالەکێ باش بون بو مامەلێ ؟
ستراتیجیەتا نەهێلانا هیلالا شیعی و پورژێ سینی و یاریێن ناڤ دەولەتی ل لایەکی و بازرگانیا پشتی رادەستکرنێ ژی ل لایەکێ دی ، گریمان بەرپرسێن مە د ناڤ هاوکێشەیا ناڤ دەولەتی دا نەشاینە خوە بەنە تشت و بەردەوام کار ل سەر چنەبونا خوە و مە دکەن ؟ ئەرێ ستراتیجیەتێن مەزن کار ب ئاخ و سنوێن جوگرافی هەیە یان ژی هەتکبرنا کارەمەتا مروڤی تە ل سەر ئاخا تە و ب دەستێن تە ؟ د هەمی سیستەمێن دونیایێ دا دڤێت لەشکەر یان ژی سەرباز بمرن داکۆ خەلکێ سڤیل ساخ بمینن دانە کوشتن و رادەستکرنا خەلکێ سڤیل و مانە ساخا سەربازان چ شەرمەزاریەکە مێژوو دنڤێسیت؟
شنگالی و زووماری و کەرکوکی و مەخمموری و ....هتد، ئەڤە د چاڤێ دەستهەلاتا کوردی دا هەنە یان ئامادەکرینە هەمی گاڤەکێ بو قوربانیکرنێ ؟
ئەو کوردێن د سنورێ مادێ 140 ئەوێن ل عێراقێ کورد و ل کوردستانێ عێراقی؟ دیارە کۆ تا چ دەم دێ خالێن خوە دەرێخستن و مزایەکرنێ بن ، دڤێت بپرسین ئەوێن بۆ قوربانیکرنێ دروست مانە دڤێت ساخلەم بن ، ئەرێ چەند جاران گوهێن ڤان دەڤەران هاتینە برین ؟ ئەرێ چەند جاران ددانێن ڤان دەڤەران ب خەلکڤە هاتینە دەرێخستن و شکەستیننە؟ ئەرێ ئەڤە چەندین سالە ئەو نساخێن یاریێن هەوەێن گەمارن ؟ ما ئەڤە دێ چاوا بو قوربانیکرنێ هەر و هەر باجێ دەن؟ باجدانا وان ژ بەری داعش ئەو هزرکرنا داعشانە یان وان کەسانە بویە ل سەر خەلکێ ڤان دەڤەران کۆ بەردەوام د مەیدانێن یاریێن سیاسیدا وەکۆ کالەکێ باش دهاتنە بەحسکرن هەتا کۆ خرابترین بکڕ لێ دەرکەفتی و ب کێمترین بها و بەرهەنگاری شیایی ببەت و بدەت .
لژنەێن هاتینە پێک ئینان گەهشتنە چێ و کێ و بوکێ و بۆ چێ ؟
د گەرما بازاریدا و پشتی ئاخ و نشتیمان و ئالا و مروڤێ کورد ب کێمترین بها کەتینە مەیدانکێ ؟ ئێدی بەشا مروڤ و ئاخ ونشتیمانێ مای ژی کەفتە بەر ب کرێدان و بازرگانیەکا نەتمامکری و چەندین قوربانیێن بازرگانیێ و پیرەیی ژی هاتنە دان ئێدی ب روونی ژنێن خوە خویشکێن خوە ژ بکڕێن وە دکرین و دفروتن ؟ ئەوان کەرامەتا مە بربوو و بەرپرسێن مەژی بۆ قەلاندنا کەرامەتا مە نافت و کارەب ددایێ ؟ لژنە هاتە پێک ئینان ئەوێ لژنێ کارەسات تومارکرن دبیت ئاشکەراکرنا خالێن ئەو لژنە گەهشتیێ بچویکترین پلەدار ب مەزنترین بازرگان دیار بکەت، لژنە و ئەنجامێن وێ وەکی خەلکێ سڤیل ب ساخی هاتنە بن ئاخکرن و ئاخەک کۆ هەتا دمریت دێ باجا ژ دەستدانا کەرامەتا خوە دەت ژ دەست فروشیار و کێم بهاێن بەرپرس لێ و مێژوو دێ ئانجامێن لژنێ باش دیارکەت و سزا ژی دێ باشتر ژ نوکە هێتە وەرگرتن .
شنگال و کەرکوک و دەڤەرێن دی هاتنە ئازادکرن یان هاتنە رزگارکرن یان هاتنە رادەستکرن ؟
ئازادکرن ب خوە بو تشتەکی دهێت کۆ مروڤی بخوە تشتەک گرتبیت دشێت ئازادکەت نە ئێکێ دی ئەگەر ئازادکرن ب راست دبینن کەواتە هەر وان گرتبوو ؟ رزگارکرن ژی بۆ کارەکی دهێتە کۆ ژ دەست هاتبیتە دەرێخستن و مروڤ بچیت رزگار کەت ئێدی ئەڤێ ژی رامانا خوە نینە دەست نەهاتیە دەرێخستن تا بهێتە رزگارکرن چونکی سفرا حازر بۆ برنێ رزگارکرن بو نەڤێت، یا دمینیت رادەستکرنە کۆ ب جوانی و خشکوکی چاوا برن وەسا رادەست بکەنەڤە دڤێت باش د ڤێ بگەهین و ئێدی قوناغێن ژیانێ باشتر رێک بێخین و تێبگەهین ئەم وەک تاک خوە پارێێن چ جورە بیرکرن و سیسەتمەدارانە.
ئاوارە بون و تیرورا هزری و دەروونی خەلکێ مە ل وان دەڤەران ؟
پشتی ئاوارەبونێ و جینوسایدکرن و کومەلکوژکرنا خێزان و تاکێن بنەمالێن خەلکێ مە ئێدی دەست ب جینوسایدا هزر و دەروونی یا وان ژی هاتە کرن، روونە کۆ بێژن مە هاریکاری کر و دمالێن خوەدا حەواندن ئەڤە بو من ئەرکە و ئەرک ژی کۆ دهێتە بەحسکرن مروڤ پێ بچویک دبیت، پشتی نشتیمانێ وان بویە خێڤەتەکا هاریکارێن بکەران ئێدی دناڤا وان خێڤەتان دا ژی دەست ب تیرورکرنا دەرونێ وان هاتە کرن نابیت باخڤن ئەوا دیتین ئەوا زانین دڤێت بهێتە ژێبرن و ئەوا کۆ دێ زانن ژی دڤێت خوە تێنەگەهینن ئێدی ژ بلی کۆ باژار و ئاخ و کەرامەت چون دەمە دەست ب نەهێلانا دەرونێ وان ژی بهێتە کرن، ئەنجام بۆ زورینە بچنە دەرڤە و ل وان وەلاتان باخڤن و یا دروست بێژن و رویێ دەستهەلاتدارێن ڤی وەلاتی وەکو رەش رەشتر بکەن ئێدی شەرم ژی دەما کۆ زێدە هەناسە تەنگ دبیت شەرم شەرمێ ژخوە دکەت کۆ یان خوینا مە و ڤان ئێکە یان ناڤێ مە دگەل ئێک دهێت ئەڤێن کو د راستیدا بازرگان و د درەوێ دا دەستهەلاتدار .
میدیا کوردی و کارەساتێن مروڤی ؟
بخوە دیارە میدیا کوردی هەر د چارچوڤێ عەقلێ کوردی دا دەرنەکەفتی یە و نە کەس زمانێ مە دزانیت و نە مە شیایە کەسێ د زمانێ خوە بگەهینین یان ژی ب زمانێ وان بەحس ل ژیانا خوە بکەن ، زێدەتر میدیا هاریکار بون ل سەر هەرفاندنا کەرامەتا تاکێ کوردستانی ب شێوەیەکی کۆ زانیاریێن راستێن پشت هەمی مایک و کامیرەکێ بەرژەوەندیەکا سیاسی گەنی ل پشت بو ناڤ چاڤل خودان خوە کربوو تەنی .
گرنگە چ بکەین و چاوا یا مای ژ دەست نەدەین ؟
جینوسایدا گەلێ مە جارا یەکەمین نینە ئێزدی براێت مە نینن د گەل و نشتیمانی دا ئەم ئێکین دبیت براینیا مەیا ئاینی بیت کۆ ئەڤەژی نە کێشەیە، دا سیاسەتێ ژ کەرامەتا تاکێن خوە بینینە دەر و خوە نیشا جیهانێ بدەین ئەم ژی مروڤین وەکی هەوە دبیت دەمێ بوریدا دەستهەلاتدارێن مە کرین و فروتن ب مە کربیت لێ ئەو ژ بچویکیا وان ئەم وان ب بازرگان دزانین نە رێبەر، ئەڤێن کۆ ئەم وەسا ژی دبینین دڤێت ب راستگویانە دان ب بازرگانیا خوە بکەن و ئێدی دەست ژ تیرورا دەروونی یا ڤی گەلی بەردەن بەرژەوەندیێن گەنیێن سیاسی و حزبیێن وان سەرێ وان بخون و کەرامەتا تاکێ کوردستانی یان دەست ژێ بەردەن یان ئەوا مای دەست تێ ڤەنەدەن، ئێدی ئەوا وە بری و بەردای و فروتی و دایە کرێ مێژوویێ دروست یا نڤێسایی هوون هەر پەرتوکێن چاپخانێن خوە چاپ کەن روژا سوتنا وان پەرتوکا دێ هێت باشترە ئێدی یاریا ب کەرامەتا نشتیمان و هاولاتیێن خوە نەکەن ئەگەر روژ بهێت نە کەرامەتا هەوە نەیا زارو روهو ریشاێن هەوە بەرچاڤ دهێتە وەرگرتن .
ليست هناك تعليقات
إرسال تعليق