دڵشاد شەهاب بۆچی گریا

دڵشاد شەهاب، ڕاوێژكاری سەرۆكی هەرێمی كوردستان، لەهەواڵەكانی ئەمشەوی ڕووداودا دڵی پڕدەبێت و بۆ چەند خولەكێك ناتوانێ قسە بكات 


دڵپڕی و گریانی دڵشاد شهاب، بە بۆنەی كۆچی دوای د.فرسەت سۆفی، پارێزگاری هەولێر بوو، كە ئەمڕۆ ١٨/١١/٢٠٢٠ بە كۆرۆنا كۆچی دوایی كرد

دڵشاد شەهاب، كە هاوڕێی نزیكی پارێزگاری كۆچ كردوو بوو، لە وتەكانیدا  ڕۆڵ و دڵسۆزی د.فرسەت سۆفی بەرز نرخاند و پێی وابوو توانایەكی گەورەی گەنجانە لە كوردستان كۆچی دوایی كردوە، ئەو لە بەرنامەكەدا وتی( هەموو لایەنەكان متمانەیان بە قسەكانی د.فرسەت هەبوو، دڵسۆزی و سەلیقەی دكتۆر فرسەت وایكردبوو لە هەموو شتێكدا خۆی بە خاوەن دەزانی

دڵشاد شهاب
لە پێشتردا چەندین پۆستی جیاجیای لە نێو دامەزراوەكانی هەرێمی كوردستاندا هەبووە، ئەندامی پەرلەمانی كوردستان و وەزیری كابینەی پێشوتری حكومەتی هەرێم و ئێستاش ڕاوێژكاری سەرۆكی هەرێمی كوردستانە،

لە كایەی سیاسیدا بە عەقڵێكی سەلیم و سیاسیەكی میانڕەوە ناسراوە  

دەقی بەرنامەكەی دڵشاد شەهاب

https://www.facebook.com/Rudaw.net/videos/372229620714289/

د. فرسەت سۆفی

-ساڵی 1978 لە دۆڵی روستی قەزای چۆمان لەدایکبووە
- 16-9-2019 سوێندی یاسایی خوارد و رۆژێک دواتر وەک پارێزگاری هەولێر دەستبەکاربوو
- دکتۆرای لە یاسای گشتی هەیە
- مامۆستای زانکۆی پۆلەتەکنیکی هەولێر بوو
- ئەندامی خولی چوارەمی پەرلەمانی کوردستان بوو
- ئەندامی دەستەی راوێژکاریی یاسایی سەرۆکایەتیی هەرێمی کوردستان بوو
- ئەندامی لیژنەی نووسینەوەی دەستووری هەرێمی کوردستان بوو
- ئەندامی لیژنەی باڵای چاکسازی بوو
-سەرۆکی لیژنەی کاتیی پەیڕەوی ناوخۆی پەرلەمانی کوردستان بوو
19-10-2020 تووشی کۆرۆنا بوو.
لە 3-11-2020 بۆ چارەسەری پزیشکی رەوانەی تورکیا کرا
بەرەبەیانی رۆژی چوارشەممە 18-11-2020 کۆچی دواییکرد

د. فرسەت سۆفی لەماوەی دەستبەکاربوونی وەک پارێزگاری هەولێر چەندین کار و پرۆژەی گرنگی لە هەولێر و قەزا و ناحیەکانی دەوروبەری ئەو پارێزگایە ئەنجامداوە.