کۆمەڵ لەنێوان ئامرازو ئامانجدا

زانا ڕەسوڵ

کۆمەڵی ئیسلامی لەسەرەتای ڕاگەیاندنیەوە چاوی زۆری لەسەر بوەو بەپێی هەل و مەرج و پێشهاتە تازەکان توانیوێتی بەبێ بەستنی کۆنگرەش خۆی نوێبکاتەوەو وەڵامگۆی سەردەمە جیاوازەکان بێت

بەڵام هەمیشە دەستیگرتوە بەهێڵەگشتیەکان و ئامانجە شەرعییەکان ئەمەش ئەوەندەیتر ڕەسەنی ئەم هێزە دەردەخات کە سەرەڕای خواستی نوێبونەوەو گەشەکردن هیچ گۆڕانێک لەپرەنسیپە سەرەکیەکانیدا ناکات

جیهانبینی ئەم هێزە ئەوەندە تیژو دوورمەودایە هەمیشە بەهەنگاوەکانی دڵی یاری خۆش و نەیارەکانی تەنگەتاو کردووە هەموو ئەمانەش بەرمەبنای پەروەردەیەکی دروست و لەسەرخۆی قیادەی ئەوحزبەیە بۆ کادیرو ئەندامەکانی تاهەرگۆڕانکارییەک پێویست بێ ئاسان هەزم بکرێ و لێ کەوتەی باشی لێبکەوێتەوە

کۆمەڵ ئەگەرچی ئێستا ناوی ئیسلامی وەک پاشگر لێکردوەتەوە

بەڵام لەناوەڕۆکدا هەمان هێزە سەرڕاستەکەی دوێنی و ڕادیکاڵەکەی سبەینێش دەبێ ئەمەش بەڕوونی لەمێژووی ئەم حزبەدا بەدیدەکرێت کە نەلەبرسان و نەلەترسانیش ملی بۆ هیچ فشارو چاو لێ سورکردنەوەیەک نەداوە بەڵکو پارتەکانی دەسەڵات زۆرکات لەهەژمونی سیاسی و جەماوەری کۆمەڵ ترساون ، بۆیە ئەوەی پێی وایە لابردنی پاشگری ئیسلامی لە بەهێزی ئەوڕەوتە یان پابەندی بەشەریعەتەوە کەمدەکاتەوە نەیپێکاوە چونکە لەئێستادا کۆمەڵ تەنها ئامرازەکانی گۆڕیوە لەپێناو ئامانجەکانیدا بۆئەمەش جیهانبینیەکی جوان کراوەتە پاساو تالەمەودوا کۆمەڵ تەنیا مافی ئەندامەکانی نەبێ و هەموو کەس بەهی خۆی بزانێت لەپێناو هەرچی فراوانبوونی ئەوڕەوتە عەدالەتخوازو ئیسڵاح خوازەی کەخەڵکانێکی زۆر هیوای لەسەر هەڵچنیوە ئەمەش ئەرکی کۆمەڵی دادگەری قورستردەکات بۆئایندە مادام دەیەوێت هەنگاوەکانی چواچێوەی حزبی تێپەڕێنێت