وەزیری بەرگریی تورکیا، خولوسی ئاکار رایگەیاند ''پێویستە یۆنان ئەوە بزانێت کە هەڵوێستی پاوانخوازی و هەڵسوکەوتی شەڕەنگێزی بە هیچ شوێنێک ناگات و ئەو سیاسەتە دوورە لە ژیرییەوە. جگە لە راکردن بەدوای خەیاڵێکی پووچدا هیچی دیکە نییە''.
خولوسی ئاکار بە یاوەری سەرۆکی ئەرکانی سوپا، جەنەراڵ یاشار گولەر و فەرماندەی هێزەکانی وشکانیی، جەنەراڵ موسا ئاسەڤەر و فەرماندەی هێزەکانی دەریایی، ئەدمیراڵ عەدنان ئۆزباڵ و فەرماندەی هێزەکانی ئاسمانیی، جەنەراڵ حەسەن کوجوکئاکیوز سەردانی پارێزگای ئەدیرنەی کرد.
وەزیری بەرگریی تورکیا و شاندی یاوەری ئەو رێوشوێنانەیان بەسەرکردەوە کە لە سنووری تورکیا لەگەڵ یۆنان گیراونەتەبەر و دواتر ناوچەی سنووریی ئاردا-یان کە خاڵی سفری سنوورییە لەگەڵ یۆنان بەسەرکردەوە.
خولوسی ئاکار پاشان لەگەڵ سەربازانی تورکیا لە ناوچەکە کۆبووەوە و رایگەیاند ''پێویستە یۆنان ئەوە بزانێت کە هەڵوێستی پاوانخوازی و هەڵسوکەوتی شەڕەنگێزی بە هیچ شوێنێک ناگات و ئەو سیاسەتە دوورە لە ژیرییەوە. جگە لە راکردن بەدوای خەیاڵێکی پووچدا هیچی دیکە نییە''.
لە بارەی هەندێک کردەوەی یۆنانیش ئاکار گوتی: ''بە کۆمەڵە بانگەشەیەک کە هاوشێوەیان نییە گوایە خاوەنی تەواوی دەریا و کایەی ئاسمانییەکانە، ئەوەی لەدەستی بێت ئەنجامی دەدات بۆ سنووردارکردنی تورکیا''.
خولوسی ئاکار باسی لەوە کرد کە یۆنان بەو هەڵسوکەوتەی ناتوانێت بە هیچ بگات و گوتی: ''مێژوو دەریخستووە کە بەو شێوەیە ناتوانن بگەن بە هیچ. دەمانەوێت بزانن کە بە هیچ شێوەیەک رێگە نادەین مافەکانمان زەوت بکرێت''.
ليست هناك تعليقات
إرسال تعليق