پلاتفۆڕمی کوردستان بۆ پرسە نیشتمانییەکان، پڕۆژەیەکی مەدەنی قازانج نەویستی ئامانجدارە، گرنگی بە پرسە نیشتمانییەکان دەدات، لە بەرواری ٧/١١/٢٠٢٠ ڕاگەیەنرا
پلاتفۆڕمەکە لە چوار بۆردی سەرەکی پێکدێت، کە ئەوانیش بۆردەکانی( بۆردی ڕاپرسی و توێژینەوەی ستراتیجی، بۆردی کلتور و کۆمەڵگە، بۆردی پەرەپێدان و ڕاهێنان، بۆردیچالاکیە مەدەنیەکان)
دواهەمین چالاکی خۆیدا کە لە ڕۆژی یەکشەممە ١٣- ١٠-٢٠٢٤ بۆردی توێژینەوە و ڕاپرسی پلاتفۆڕمی کوردستان بۆ پرسە نیشتمانییەکان لە چالاکیەکی فراواندا و بە ئەمادەبوونی ژمارەیەکی بەرچاو لە میوان و سیاسەتمەدرار و چالاکانی سیاسی و ڕۆژنامەنووسان و دەزگاکانی ڕاگەیاندن ئەنجامی ڕاپرسییەکی فراوانی خستەڕوو لە بارەی بەڕێوەچوونی هەڵبژاردنی خولی شەشەمی پەرلەمانی کوردستان، کە لە هەرچوار بازنەی هەڵبژاردن لە هەولێر و سلێمانی و دهۆک و هەڵەبجە بەڕێوەچوە و تیایدا بە هەردوو شێوازی ئۆنلاین و ڕووبەڕوو ڕاپرسیەکە ئەنجامدراوە.
لە ڕاپرسیەکەی پلاتفۆڕمی کوردستاندا لە هەرچوار پارێزگای سلێمانی و بازنەکانی هەڵبژاردن ١٨٤٥٦ کەس بەشداربوون و ڕا و بۆچونی خۆیان لەبارەی پرسیارەکانی ڕاپرسیەکەوە خستۆتەڕوو.
لە سەرەتای چالاکیەکەدا مامۆستا دانا عەبدول ئەندامی ئەنجومەنی بەڕێوەبردنی پلاتفۆرم وتاری بەخێرهاتنی پێشکەشکرد و دواتر عوسمان گوڵپی بەڕێوەبەری پلاتفۆرم ئەنجامی راپرسیەکەی بۆ ئامادەبوان و میدیا ئاشکرا کرد و بەشە جیاوازیەکانی ڕاپرسیەکەی بە وردی شیکردەوە لەگەڵ ئەنجامە دەستهاتوەکانی لیست و قەوارە جیاوازەکان.
دواتر لە دیبەیتێکی تایبەتدا هەریەکە لە سەرۆکی لیستی پارتی دیموکراتی کوردستان و کۆمەڵی دادگەری باسیان لە گوتاری هەڵبژاردنی حزبەکانیان کرد و پرسیاری پێشکەشکاری دیبەیت و ئامادەبوانیان وەڵامدایەوە و پاشان هاوکار عزەت ئەندامی ئەنجومەنی بەڕێوبردنی پلاتفۆرم بەراورد بە هەڵبژاردنەکانی ڕابردوو لایەنە جیاوازەکانی گوتاری هێزە سیاسیەکان و دروشم و کارنامەی قەوارەکانی شیکردەوە بۆ ئامادەبوان.
بەشێك لە چالاکیەکانی پلاتفۆڕمی کوردستان لە ڕابردوودا
(سەکۆی کوردستان)
# ڕاگەیاندنی پلاتفۆڕمی کوردستان بۆ پرسە نیشتمانییەکان لە ٧-١١-٢٠٢٠، بە ئامادەبوونی سەرپەرشتیار و بەڕێوبەر و ئەندامانی ئەنجومەنی کارگێڕی و بەرپرسی بۆردەکانی پلاتفۆڕم لە شارە جیاوازەکانی هەرێمی کوردستانەوە و ژمارەیەك لە چالاکوان و کەسایەتی سیاسی و مامۆستایانی زانکۆ و بەرپرسانی حکومی و ڕێکخراوەکانی کۆمەڵی مەدەنی لە شاری سلێمانی ڕاگەیەنرا
# پەیوەندیەکانی نێوان هەرێم و بەغداد گرفت و چارەسەر وەك کۆنفرانسێکی تایبەت بەو پرسە لە بەرواری ٦/٢/٢٠٢١ بە ئامادەبوونی بەرپرسانی باڵای هیزە سیاسیەکان و پەرلەمانتارانی عێراق و شارەزایان بە ڕێوە چوو، کە تیایدا ڕاپرسیەکەی تایبەتی بۆردی توێژینەوەی ستراتیجی خرایە ڕوو، پاشان گفتووگۆ لەسەر ئاستەنگ و چارەسەریەکانی پەیوەندیەکانی نێوان هەرێمی کوردستان و حکومەتی مەرکەزی بەغداد کرا
# کۆنفرانسی پرسی دیموکراسی وهەڵبژاردنی پێشوەختەی عێراق، لە بەرواری ١١/٩/٢٠٢١ ئەنجامدرا، کە تیایدا ڕاپرسیەکی تایبەت بە پرسی گۆڕانکاری و یاسای نوێی هەڵبژاردن و متمانەی تاك خرایە ڕوو، بە ئامادە بوونی شارەزایان و نوینەرانی ڕێکخراوەکانی کۆمەڵگەی مەدەنی و بەرپرسانی حیزبی و ئەندامانی پەرلەمانی عێراق گفتووگۆی پێویست سەبارەت بە پرسەکانی کۆنفرنس ئەنجامدرا
# دیاری پەروەردەیی(کۆرۆنا، لێکەوتە و چارەسەر) لە بەرواری ١٣/١١/٢٠٢١ لە شاری سلێمانی ئەنجامدرا، لەم دیدارەدا چوار توێژینەوە و ڕاپرسیەکی تایبەت بە کەرتی پەروەردە خرایە روو، توێژینەوەکان تایبەتبوون بە لێکەوتەکانی کۆرۆنا لەسەر کەرتی پەروەردە و چۆنیەتی چارەسەرکردنی گرفتەکان و کەمکردنەوەی کاریگەریە نەرێنیەکان لەسەر کەرتەکە خرایە ڕوو، بە بەشداری بەرپرسانی وەزارەتی پەروەردە و شارەزایانی پەروەردەیی گفتووگۆی پێویست لەبارەی توێژینەوەکان و ئەنجامی ڕاپرسیەکە ئەنجامدارا
لە دیدارێکی تایبەت بە پرسی هەڵبژاردندا کە پلاتفۆرمی کوردستان بۆ پرسە نیشتمانیەکان لە شاری سلێمانی ئەنجامیدا لە بەرواری ٢٩/١/٢٠٢٢، سەرۆکایەتی پەرلەمانی کوردستان و سەرۆک و نوێنەری فراکسیۆنە جیاوازەکان کۆبونەوەو لە نزیکەوە لەگەڵ مامۆستایانی زانکۆ و رێکخراوەکانی کۆمەڵگەی مەدەنی و چاودێرانی سیاسی و ڕۆشنبیران تاوتوێی لایەنە جیاوازەکانی هەڵبژاردنی داهاتوی پەرلەمانی کوردستانیان کرد.
سەرەتای دیدارەکە بە وتەی پلاتفۆرمی کوردستان دەستی پێکرد کە لەلایەن دکتۆرە ئاڤێستا کەمال سەرپەرشتیاری پلاتفۆرمەوە پێشکەشکرا و لە وتارەکەیدا وتی: ئەوەی لای ئەم پلاتفۆڕمە گرنگە ئەنجامی هەڵبژاردن و بەرکەوتەی هێزە سیاسیەکان نیە، بەڵکو ئەوەی گرنگە یاسای هەڵبژاردن و کۆمسیۆنی باڵای هەڵبژاردن و هەڵبژاردنە لە وادەی خۆیدا، کە بەداخەوە بۆ تەنها یەك جاریش نەبوە هەڵبژاردن لەوادەی خۆیدا ئەنجام درابێت، کە ئەوە خاڵێکی نەرێنیە و دەخوازین ببێتە نەریت کە هەڵبژاردنەکان لەوادەی خۆیاندا ئەنجام بدرێن
ليست هناك تعليقات
إرسال تعليق